Інтэрактыўная праграма «Горад Максіма»

Літаратурны музей Максіма Багдановіча запрашае 12 верасня а 15 гадзіне мінчан і гасцей сталіцы акунуцца ў атмасферу мінулага стагоддзя і наведаць эксклюзіўную інтэрактыўную праграму «Горад Максіма». Гэта выдатная магчымасць даведацца, якім быў горад больш за 100 гадоў таму назад, і адкрыць для сябе новыя старонкі сталічнай гісторыі. Праграма складаецца з дзвюх частак: мультымедыйная прэзентацыя «Мінск часоў Багдановіча»: з дапамогай рэдкіх архіўных фатаграфій і паштовак з фондаў музея вы патрапіце на вуліцы старога Мінска, убачыце яго архітэктуру, побыт, адчуеце атмасферу пачатку XX стагоддзя. Затым вас чакае квэст "Стары Мінск" - захапляльнае падарожжа ў мінулае па залах музейнай экспазіцыі. Уваход - 10 рублёў Запіс па тэлефоне +375 173552295 Чакаем вас па адрасе вуліца М.Багдановіча, 7а