Куратарскія экскурсіі ў фальварку «Ракуцёўшчына»

19 і 26 верасня запрашаем на зборныя экскурсіі па тэрыторыі маляўнічай «Ракуцёўшчыны» – фальварка Вацлава Лычкоўскага, дзе летам 1911 года адпачываў Максім Багдановіч. Дом арандатара, дом гаспадара, гумно, Максімава крыніца, Пісьменніцкі сад – пра гэтыя і іншыя мясціны раскажа загадчык музея Любоў Іванаўна Шчэрбач, чалавек, глыбока адданы Ракуцёўшчыне, Максіму Багдановічу і музейнай справе. Вы шмат цікавага даведаецеся пра гісторыю старога фальварка і адчуеце яго асаблівую атмасферу – тую, што захоўвае памяць пра ці не самыя шчаслівыя дні маладога генія беларускай літаратуры. Час: 19 і 26 верасня, 13:00 і 15:00. Папярэдні запіс і даведкі: +375 29 501 57 03. Квіткі: 15 руб. – дарослыя, 10 руб. – дзеці. Адрас: Маладзечанскі раён, в. Ракуцёўшчына ( Філіял «Фальварак «Ракуцёўшчына» ).