Выстаўка «Гліна і нітка: адроджанае майстэрства»

Гліна і нітка — два асноўныя матэрыялы, якія служылі нашым продкам у паўсядзённым жыцці: нітка апранала і сагравала, а гліна карміла і захоўвала. Кожны экспанат новай часовай экспазіцыі — гэта сведчанне таго, што рамёствы ганчарства і ткацтва не забытыя, а працягваюць жыць у руках сучасных майстроў. На выставе прадстаўлены працы майстроў Цэнтра рамёстваў і традыцыйнай культуры ДУК «Цэнтр культуры г. Наваполацка» Усовіч Кацярыны Юр’еўны і Карчовай Наталлі Леанідаўны. Запрашаем усіх аматараў дэкаратыўна-прыкладнога мастацтва і тых, хто шукае натхненне, наведаць новую выстаўку ў Музеі традыцыйнага ручнога ткацтва Паазер’я з 18 верасня па 18 кастрычніка 2026 года.