Творчы літаратурны пленэр «Пад шум бяроз»

Запрашаем на літаратурны пленэр пад шатамі старых бяроз, якія растуць на падворку Музея-дачы Васіля Быкава і калісьці натхнялі пісьменніка на творчасць. Занятак, разлічаны на ўдзельнікаў розных узростаў, дапаможа пашыраць літаратурныя веды, развіць творчыя, пазнавальныя і мастацкія здольнасці. Падчас сустрэчы мы: будзем развіваць навыкі аналізу твора і разумення яго асноўнай ідэі, сюжэта і структуры; суперажываць героям і разважаць над іх учынкамі; узбагачаць слоўнікавы запас і ўдасканальваць уменне аргументавана выказваць свае думкі; абменьвацца меркаваннямі і развіваць крытычнае мысленне; атрымаем асалоду ад сяброўскіх зносін за кубкам гарбаты і пачастункамі. На пленэр варта прыходзіць падрыхтаванымі, папярэдне прачытаўшы твор, пра які пойдзе гаворка. 18 ліпеня запрашаем на сустрэчу, прысвечаную апавяданню Васіля Быкава «На сцяжыне жыцця». Таксама раім паглядзець кінафільм "Фруза" (к/с "Беларусьфільм", рэж. В.Нікіфараў, 1981 г.), зняты па апавяданні "На сцяжыне жыцця". Параўнаем абодва творы падчас абмеркавання. Вядоўца пленэру : куратар Музея-дачы Васіля Быкава Ірына Князева. Час : 18 ліпеня 2026, 14:00. Уваход : 10 руб. Запіс па тэл. +375 29 811 21 85. Адрас : Мінскі раён, аг. Ждановічы, вул. 6-я Дачная, 62 ( Філіял "Музей-дача Васіля Быкава" ).