Куратарская экскурсія ў Музеі-дачы Васіля Быкава

Запрашаем на зборную куратарскую экскурсію ў Музеі-дачы Васіля Быкава – лецішчы народнага пісьменніка Беларусі ў Ждановічах. Куратар музея Ірына Князева пазнаёміць вас з мемарыяльнай экспазіцыяй і дапаможа адчуць асаблівую атмасферу дома, дзе Васіль Быкаў жыў і працаваў, адпачываў, сустракаўся з сябрамі, калегамі і блізкімі людзьмі. Экскурсія раскрые малавядомыя старонкі жыцця пісьменніка, яго творчыя звычкі, жыццёвыя прынцыпы і гісторыю стварэння музея. У праграме: куратарская экскурсія па музеі-дачы, дзе кожны экспанат захоўвае памяць пра жыццёвы і творчы шлях Васіля Быкава; размова пра асобу пісьменніка, яго літаратурную спадчыну і месца ў беларускай культуры; магчымасць задаць пытанні куратару і прыняць удзел у жывой размове; памятныя сувеніры для ўдзельнікаў сустрэчы. Час: 25/07/2026, 14:00. Кошт удзелу – 10 рублёў. Колькасць месцаў абмежаваная. Папярэдні запіс абавязковы : +375 29 811 21 85. Месца правядзення : Мінскі раён, аг. Ждановічы, вул. 6-я Дачная, 62. Шчыра запрашаем!