Як дзіцячая творчасць ажыўляе мінулае і натхняе на будучыя здабыткі!

З 6 ліпеня па 1 кастрычніка 2026 года ў Заслаўскай гарадской бібліятэцы працуе выстава „Заслаўскі летапіс: лёс Рагнеды і Ізяслава“. На выставе можна ўбачыць конкурсныя малюнкі, створаныя навучэнцамі мастацкіх школ Мінскага раёна у межах рэалізацыі Запаведнікам аднайменнага культурна-адукацыйнага праекта. Прадстаўленыя малюнкі — дзіцячы погляд на гісторыю, дзе перапляліся лёсы княгіні Рагнеды, князя Ізяслава і старажытнай Заслаўшчыны. Важным вынікам праекта стала выданне каталога конкурсных работ. У брашуру ўвайшлі малюнкі ўсіх удзельнікаў. Каталог можна паглядзець у бібліятэцы, а таксама па спасылцы . Дзе: вул. Студзянецкая, д. 4, г. Заслаўе Калі: да 1 кастрычніка 2026 Час працы: з 09.00 да 18.00, штодня, апрача нядзелі Уваход вольны #Заслаўскі_Летапіс #музей_запаведнік_заслаўе