Аўтарская лекцыя Змітра Юркевіча і Ірыны Князевай «Знакі часу. Знакі лёсу»

У 2026 годзе мы адзначаем 40 год з дня першага выхаду на экран кінастужкі “Знак бяды”. Пра тое, як нараджаўся фільм, мы даведаемся на аўтарскай лекцыі Змітра Юркевіча і Ірыны Князевай у межах штогадовай музейнай акцыі “Быкаўскія дні”. Па сваёй трагічнасці і насычанасці дзеяння аповесць “Знак бяды” лічыцца самым антываенным творам Васіля Быкава. Адным з першых чытачоў рукапіса аповесці стаў Міхаіл Пташук. Рэжысёр убачыў у творы лёс сваёй маці, сваёй сям’і. З гэтага моманту і пачынаецца адлік у гісторыі стварэння знакавага фільма Міхаіла Пташука, які пазней будзе прызнаны ці не самым важным у гісторыі беларускага кінематографа. І не толькі беларускага, бо ён трывала займае адну з пазіцый у топ-10 лепшых фільмаў пра вайну. Час: 02/08/2026, 14:00. Кошт: 10 руб. Папярэдні запіс па тэл. +375 29 811 21 85. Адрас: а/г Ждановічы, вул. 6-я Дачная, 62 ( Філіял "Музей-дача Васіля Быкава" ).