Майстар-клас па ткацтве з траў

Штогадовы летні майстар-клас у нашым музеі даўно стаў добрай традыцыяй, і гэты год — не выключэнне. У пару самага яркага цвіцення піжмы, скрыпеню, чабару і лугавога разнатраўя мы запрашаем вас на майстар-клас па пляценні травянога габелена. Гэтае рукатворнае пано стане не проста арыгінальным упрыгожаннем вашага дома, але і цёплым напамінам пра шчодрае лета, які будзе саграваць вас нават у самыя халодныя зімовыя вечары. На сустрэчы вы створыце ўнікальны габелен з натуральных прыродных матэрыялаў, выбраўшы свой непаўторны ўзор і духмяныя травы. Для працы мы адабралі толькі тыя расліны, якія, захоўваючы сваю прыродную эстэтыку, форму і фактуру, будуць радаваць доўгі час. Чакаем вас 15 жніўня ў 13.00 у дворыку нашага музея! Папярэдні запіс абавязковы! Тэл. 46 30 41.