Сямейная праграма «Мышыныя гісторыі»

Шаноўныя сябры, прапануем вам правесці казачны выходны з самай вядомай літаратурнай мышкай Беларусі! 18 кастрычніка а 15 гадзіне запрашаем сем'і з дзецьмі ад 4 да 10 гадоў на ўтульную сямейную праграму "Мышыныя гісторыі". Вас чакаюць: Батлеечны спектакль «Прыгоды мышкі Пік-Пік». Разам з акцёрамі мы перанясёмся на старонкі цудоўнай кнігі Людмілы Рублеўскай. Гэта гісторыя пра вясёлую і вельмі вынаходлівую мышку, якая ніколі не сумуе. Майстар-клас. Пасля спектакля кожны маленькі глядач (і нават дарослы!) зможа зрабіць уласнымі рукамі яркую і вельмі мілую закладку для кнігі ў выглядзе мышкі Пік-Пік. Яна будзе ахоўваць вашы любімыя кнігі. Уваход - 10 рублёў. Запіс па тэлефоне +375 17 355 22 95 Чакаем вас па адрасе вуліца М.Багдановіча, 7а