Лекцыя Ганны Сілівончык «Сямейнае выхаванне дзяцей у традыцыйнай беларускай культуры»

Тыдзень бацькоўскай любові – добрая нагода пазнаёміцца з традыцыямі сямейнага побыту і ладу нашых продкаў. Запрашаем у Літаратурны на лекцыю Ганны Сілівончык “Сямейнае выхаванне дзяцей у традыцыйнай беларускай культуры”. У лекцыі будуць разглядацца традыцыі гадавання дзяцей у вясковай культуры ад моманту нараджэння і да дарослага ўзросту, сямейныя ўзаемаадносіны дзяцей з іншымі членамі сям'і, матэрыяльны і нематэрыяльны свет дзяцінства. Запрашаем усіх аматараў традыцыйнай культуры і тых, хто толькі пачынае цікавіцца і захапляцца гэтай тэмай. Лекцыя пройдзе 15 кастрычніка ў 19:00. Уваходны квіток: 8 рублёў. Усіх сардэчна запрашаем! Тэлефон для даведак: +375 17 363 56 21. Адрас: г. Мінск, вул. М. Багдановіча, 13.