«Археалагічныя знаходкі з тэрыторыі Верхняга замка ў Полацку (па матэрыялах даследаванняў 2019–2022 гг.)»

Верхні замак у Полацку — адно з самых любімых месцаў як у палачан, так і гасцей горада. Шмат хто любіць прыйсці да Сафійскага сабора і палюбавацца краявідамі Дзвіны або прыпомніць, як даводзілася лекавацца ў мясцовай бальніцы, што яшчэ не так даўно размяшчалася паблізу. Але нямногія ведаюць гісторыю гэтага месца. Выстава «Археалагічныя знаходкі з тэрыторыі Верхняга замка ў Полацку (па матэрыялах даследаванняў 2019–2022 гг.) » дазваляе больш поўна зразумець жыццё мясцовых жыхароў з канца Х да пачатку ХХ стагоддзя. У вітрынах прадстаўлены артэфакты, якія адлюстроўваюць функцыі Верхняга замка ў розныя часы: культавую, адукацыйную, адміністрацыйную, гандлёвую і абарончую. Мясцовыя жыхары шырока карысталіся прыладамі працы і  рэчамі штодзённага побыту, упрыгожваннямі і настольнымі гульнямі ды інш. Знаходкі, якія акрэсліваюць дадзеныя сферы жыцця чалавека, знойдзены падчас археалагічных даследаванняў пад кіраўніцтвам І. У. Магалінскага ў 2019—2022 гадах. Калі ласка, запрашаем наведаць!