Віртуальная выстава «Ён — майстра. Больш таго, ён — чараўнік...» (да 130-годдзя з дня нараджэння Кандрата Крапівы)

Выстава прысвечана 130-годдзю з дня нараджэння Кандрата Крапівы (1896–1991) — беларускага пісьменніка, паэта, сатырыка, драматурга, байкапісца, перакладчыка, літаратуразнаўца і грамадскага дзеяча. У фондах НПГКМЗ захоўваецца значная колькасць выданняў твораў класіка нацыянальнай літаратуры. Многія з гэтых выданняў паступілі ў музейны збор у складзе калекцыі вядомага беларускага журналіста Алеся Матусевіча. Кнігі Кандрата Крапівы знаходзяцца ў пастаяннай экспазіцыі Музея беларускага кнігадрукавання, экспануюцца на самых розных выставах. Віртуальная выстава знаёміць з біяграфіяй пісьменніка і найбольш цікавымі прадметамі, якія ілюструюць яркія старонкі жыцця і творчасці сатырыка, з фондаў НПГКМЗ і іншых устаноў. Матэрыялы выставы даступныя ў спецыяльным раздзеле.