Перасоўная выстава “Зямля Урала – калыска натхнення: літаратурныя галасы Башкартастана”

18 чэрвеня 2026 года ў Дзяржаўным музея гісторыі беларускай літаратуры адбудзецца адкрыццё перасоўнай выставы, прысвечанай багатай літаратурнай спадчыне Башкартастана і сяброўскім сувязям паміж Беларуссю і Башкірыяй. Выстава прадастаўлена Нацыянальным літаратурным музеем Рэспублікі Башкартастан. Гэта падзея стане сапраўдным падарункам для ўсіх аматараў мастацкага слова і тых, хто цікавіцца культурным дыялогам паміж народамі. Пачатак а 17-й гадзіне. Уваход на адкрыццё вольны. Экспазіцыя пад назвай «Зямля Урала – калыска натхнення: літаратурныя галасы Башкартастана» запрашае наведвальнікаў у захапляльнае падарожжа па старонках башкірскай літаратуры, раскрываючы яе шматграннасць і глыбіню. Выстава падзелена на сем тэматычных зон, кожная з якіх адкрывае гэты багаты свет з новага боку: • «Галасы продкаў: вытокі башкірскай славеснасці» – пагрузіць вас у свет старажытных паданняў і эпасаў, якія заклалі падмурак нацыянальнай літаратуры. • «Спадчына залатога веку: башкірскія пісьменнікі-асветнікі» – пазнаёміць з творчасцю выдатных дзеячаў, чые творы сталі важнымі вехамі ў развіцці башкірскай культуры. • «Башкірская літаратура: ад ХХ стагоддзя да ХХІ» – прасочыць эвалюцыю літаратурнага працэсу, прадставіўшы ключавых аўтараў і асноўныя напрамкі апошніх стагоддзяў. • «Літаратурны Урал: натхненне зямлі» – пакажа, як прыгажосць і самабытнасць уральскай прыроды знаходзілі адлюстраванне ў творах башкірскіх пісьменнікаў. • «Літаратурнае сяброўства: Беларусь і Башкірыя» – падкрэсліць гістарычна сфарміраваныя цесныя сувязі і ўзаемнае ўзбагачэнне літаратурных традыцый дзвюх рэспублік. • «Пяро і подзвіг» – раскажа пра пісьменнікаў, чыя творчасць непарыўна звязана з гераічнымі старонкамі гісторыі і абаронай Айчыны. • «Мост праз час» – стане сімвалам пераемнасці пакаленняў і нязменнай каштоўнасці літаратурнай спадчыны. Выстава дае магчымасць пачуць галасы тых, хто сваім талентам і працай узбагаціў сусветную культуру, адчуць дух Башкартастана і ацаніць тую асаблівую сувязь, якая аб’ядноўвае народы праз мастацтва слова. Шчыра запрашаем усіх жадаючых! Выстава будзе працаваць да 12 ліпеня 2026 года. Тэл. +375 17 395 44 47.